الموت والحياه

 يا ابن ادم تفضل تكبر وتحارب وتكافح وتربي اولادك وتعيش سعاده وتعيش حزن وتشيل جواك مشاعر كتير ممكن تعرف تعبرعنها وفي احيان كتير متعرفش تعبر عنها وفي الاخر يجلك الموت علي فجأة ياخدك من كل حاجة ياخدك من الناس اللي حبتهم وحبوك وياخدك من الحاجات اللي حقتها وياخدك من الناس اللي معرفتش تعبر ليهم عن مشاعرك ومت وهما زعلنين منك ياخدك من ذنوبك الكتير اللي اتركمت علي كتافك

لما هتموت هتسيب عيون وراك بتعيط بحرقه علي فراقك لانهم حبوك وانت حبتهم هتلاقي ناس بتعيط علي معني الفراق نفسه لانهم مش قادرين يتحملوا معني الموت اللي بيجي علي فجأة بتكي علي معني المفأجاة لانها خايفه حاجة تحصلها زي كده وهي مش هتستحمل كده... هتسيب ناس انت مش فارق معاهم وبيقولوا ربنا يرحمه وخلاص وهما من جواهم بيقلوا هتحاسب علي ايه ولا ايه

هتسيب يابن ادم فلوس بس تسوي ايه الفلوس قدام الذكري اللي هتسبها في نفوس كل اللي تعرفهم هتسوي ايه من دمعه حزن واحده تنزل من قلب حبك من غير هدف هتسوي ايه قدام حد انت اذته وهو برضه بيحبك لانه من دمك

وهتموت انت وتدخل قبرك ولا هتاخد معاك فلوس ولا ولاد ولا اي حاجة طيب كنت بتحارب الدنيا عشانهم ليه الدنيا مش مستهله تحارب عشانها ....هتدخل قبرك معاك ذنوبك وحساناتك ..لا هتدخل معاك زوجة ولا ابن ولا ام ...هتدخل مش معاك غير اعمالك اللي عمالتها

حياتنا زي قماشه بيضه كل منكن مشاعر وحشه لحد هتحط نقطه سوده  ...لو اذت حد هتلاقي القماشه اتقطعت لوحدها ...ولو كرهت حد من غير سبب هتلاقي القماش اتقطع لوحده .....لو انت عاوز تاخد قماشتك سليمه وفيها اقل عدد من البقع ومفهاش قطعات وتكون مغطياك كويس حاول في دنيتك تكون انسان خفيف عليها مش تثقلها بالذنوب لا تشغل نفسك بمين كرهك ومين حبك اشغل نفسك بالحب .......وربنا يرحمنا كلنا ويرحمنا من شر نفوسنا