بحبك اوي فبراير 2013
بحبك وبموت فيك عشان مليش غيرك في الدنيا ديه
انت هتكون جوزي وحبيبي وصاحب عمري
هتكون اخ من اخواتي لاني بحب اخواتي
وهتكون ابويا اللي هحبه ومش هينفع تكون ماما :$
هتكون استاذي وحببي وابني وحياتي كلها
نفسي اشوف نفسي معاك نفسي احس انك بتقلي بكره احلي
عشان احنا مع بعض اما زمان كان وحش عشان كنتي لوحدك
انما انا هخلي حياتك مختلفه
نفسي تقولي غمضي عينك والقيك جيبلي ورده صفرا
نفسي اغمض عيني القي دبلتك في ايدي مكتوب عليها اسمك
عشان اكتبه في قلبي واحفره في جسمي مش ع خاتم
احفره من دمي وروحي تنسجه
نفسي اشوف كل حاجة معاك لاني مش شفتها قبل كده
عشان شفتها لوحدي وانا وانت هنكون غير كل واحد فينا لوحده
عايزه انام احبك واصحي احبك واتغدي واشرب حبك
واحس ان حبك هو غطاي في الجو البرد وهو تكيفي في الحر
عايزه احس انك حميني من كل الناس حتي من نفسي
نفسي اشوف نفسي متشعلقه في رقبتك وبقول لناس ده حبيبي
هو اختارني وانا اختارته قلوبنا عرفت بعض قبل منشوف بعض
اقلهم ده حياتي ومستقبلي ده اللي هيسعدني وهيخلني اشوف الدنيا بعينه
احب اعرفكم بجوزي واقلها كده بفخر واقلها كده وانا قلبي بيرفف من الفرحة
عايزه اكتب اسمك في بطاقتي
نفسي لما العربيه تتخبط مني اتصل بيك اقلك واعد اعيط تقولي مش تعيطي
انا موجود اوعي تعيطي وتمسح دموعي بصوبعك اللي مسحتهم هتساوي الدنيا كلها
عايزه نعد في سينما جنب بعض وتجبلي فشار وتاكلني منه وانا اكلك
ونعد نعيط مع بعض لو فيلم نكد ونضحك سوا نفسي ضحكتنا تكون مع بعض
مش عايزه اضحك لوحدي من غيرك لانك هتكون جزء من ضحكتي حد يضحك وهو
ناقص نصه
عايزه اشيل اول بيبي لينا واكون بعيط من فرحتي انه حته مننا احنا الاتنين
لو ولد هحبه اويييي هحس انه انت وقلبه انا ولو بنت هتكون كلها انا اكيد بس
عقلها انت
كفايه عليك في بيت واحده مني بس لو اكتر تطمع :p
بحبكككككككككككككككككككك بعدد ذرات السما وعدد النجوم اللي فيها <3 <3 <3
بحبك بكل دقه من قلبي من ساعة متولد بحبك بحنيتك ورخمتك وعصبيتك
بحبك بعقلك وجنانك ووسامتك وشياكتك وبحب فيك اسمي اللي جنب اسمك :D
انت فين بقااا سيبني كل ده ليه انا تعبت من غيرك اوي
