بصيص نور

الحياه في مصر عباره عن سرداب ظلمه اوي وكل ما ناس تقول خلاص ضلمت ومش هنعرف نمشي هنموت هنا ولا ايه !! تلاقي حاجة جايه من بعيد تقلك لا مش تيأس انا موجود اتمسك بي ... حاجة بتجي كل فين وفين وبتجيلك دايما وانت خلاص فقدت الامل وتكون يأس ومحطم ... تقلك لأ في حاجات كويسه ممكن تخليك مش تيأس

حياتنا في مصر ملاينه سواد ومشاكل وناس وحشه وظروفهم خلتهم اوحش بكتير لدرجة انك متعرفش هي الناس ديه مولوده كده ولا الحياه هي اللي طبعت عليهم وخلتهم بقوا كده .. وفي الاخر تيأس من التفكير وتقول بلاش اظلمهم الدنيا ظروفها وحشه والحياه في مصر تخالي الواحد يكفر بكل حاجة اصلا !!!

بصيص النور ممكن يكون شخص كويس تقبله ويحسك ان الدنيا فيها خير بموقف او بكلمه او بضحكه صافيه من غير حقد او غل  .....

بصيص النور في موظف حكومه يعملك كانسان له ادميته ويحترمك ويقلك مصر طالما فيها ناس كويسه عمرها ماهتقع...

بصيص النور لما تلاقي عامل الدليفري يحلف مهو واخد بقيشيش .. بصيص النور لما تروح تركن في مكان ومتلقيش سايس وتلاقي واحد وقف يقلك تركن ازاي ويضحلك في الاخر... بصيص النور انك تتفرج ع باسم يوسف وتضحك من قلبك وتقول هم يبك وهم يضحك  ... بصيص النور انك تسمع اغنيه حلوة في ظل الاغاني الهابطه اللي ملت ودنا وخلت ودنا جالها طرش... بصيص النور انك تلاقي في بيتكم النور مقطعش يوم كامل وتقول احمدك يارب.. لاسف مش هتلاقي ده دلوقتي لان النور بقا يقطع اكتر مبيجي فحمد ربنا انك شفته اصلا 

بصيص النور انك تروح سوبر ماركت وتلاقي سلعة واحده مغليتش مش مهم تلاقي كل حاجة غليت بس تلاقي حاجة بس مغليتش

اي بصيص نور اتمسك بيه يا مصري لانك اصلا لقته بصعوبه واوع يضيع منك وحاول تتمسك بالامل في وجود مصر بعد الثورة وقبل الثورة اللي لو فكرت في حالها هي كانت ايه وبقت ايه ومتعرفش تقول فرق واحد غير انها بتنزل ع منحدر وبتروح من سئ لسواء :(

بصيص النور انت اللي هتصنعه ولو اقنعت صاحبك بيه هيعرف يشوفه معاك يبقا الامور ممكن في يوم تتغير

حياتنا من غير امل ان بكره احسن حياه ملاهش طعم ولا لون حاول تلون حياتك باي وسيله عشانن تعرف تعشها :)

ملك العود   

                                   

 عدت يا يوم مولدي ... عُدت يا أيها الشقي.... الصبا ضاع من يدي .. و غزا الشيب مفرقي.... ليت يا يوم مولدي .. كنتَ يوما بلا غد

ليت أني من الأزل .. لم أعش هذه الحياة.... عشتُ فيها و لم أزل .. جاهلا أنها حياة... ليت أني من الأزل .. كنت روحا و لم أزل

أنا عمر بلا شباب .. و حياة بلا ربيع... أشتري الحب بالعذاب .. أشتري فمن يبيع؟.. أنا وهم .. أنا سراب...

الحان محفورة في ذاكرة الوطن العربي الحان الشجن والحزن والعذاب الحان لها طعم خاص تتميز بالجمع بين االاصالة السوريه  والمصرية التي حصل عليها صاحبها وسام الخلود انها الحان الموسيقار العظيم فريد الاطرش

طفولته :

ولد فريد في 1914 وكان ينمتي لعائله ذات اصول عريقه في جنوب سوريا في جبل الدروز فكان والده فهد فرحان الاطرش ووالدته علياء المنذر وحين ولد اطرت والدته للهرب سرا الي مصر هروبا من الفرنسين الذين كانوا عازمين علي قتله انتقاما من ابوه وحينها لجئوا الي مصر وعاشوا في حجرتين وصاله واطروا لتغير اسمهم ودخل المدرسه الفرنسيه الي ان اطرت امه الي الغناء لضعف دخلهم المادي ,وحينها بدأت موهبة فريد في الظهور فكان مولعا بالعود لان امه كانت تعزف عليه حتي التحق بمعهد الموسيقي الشرقيه وحينها تعرف علي استاذه رياض السنباطي

 بدايه مشواره الفني :

غني اول مرة علي مسرح بديعة مصابني التي كانت ان ذالك رائد المسرح الغنائي , وغني بمفرده ولكن لم يعد هذا عليه بعائد مالي مناسب ولسوء الحظ حين جاء امتحان المعهد اصيب بذكام فتم فصله . وتصادف وجود الموسيقار مدحت عاصم الذي كان يشغل مدير فني لاذاعة مع وجود فريد  في المعهد فاستمع لموسيقا واعجب بعزفه وصوته  فطلب منه التحاق بالاذاعة المصرية فغني فريد اغنيه االيالي والموال لينتصر اخيرا  !! وبدأحينها تسجيل الاغاني وسجل اغنيه (يارتني طير لاطير حواليك ) كلماتوالحان يحي اللبابيدي وبهذا كتب اول مشواره الفني لابهار الحاضرين بادائه وصوته الفريد من نوعه واصبح يغني مرتين  في الاسبوع ولكن الدخل المادي كان ضعيف للغاية .

ولكن خرجت اول الحانه وظهر كملحن متكمن من ادوته عام 37 عندما قدم اغنيه (باحب من غير أمل ) واستعان فيها بالات موسيقيه غربيه وشرقيه فاحبه الجمهور ونجحت الاغنيه نجاح كبير وفي عام 39 تلقي عرضين من الاذاعة البريطانية لتسجيل بعض الاسطونات في لندن وذهب الي هناك واجبر الجمميع علي احترامه والانبهار بعزفه رغم صغر سنه 

دخوله عالم السينما :

في عام 40 دخل فريد عالم السينما مع اخته اسمهان في فيلم انتصار الشباب واخرجه احمد بدرخان ووضع فريد الحان والموسيقي التصويريه وظهرت ساميه جمال كراقصه ناشئه لتبدأاول قصه حب في حياته. وفي عام44 توفت رفيقه عمره اخته اسمهان  مما سبب له حزن عميق ظل معه حتي مماته ولكنه استمد من حزنه الحانا حزينه لمست قلوب كل الناس وفي عام46 خرج لنا بلحن حبيب العمر والذي جاء معبرا عن حالة الحزن واليأس التي كان يعيشها في هذه الايام وبعدها عام47 قرر انتاج فيلم يحمل نفس الاسم والذي منذ ان اعلن عن انتاجه و بالفعل كان من اشهر افلامه علي الاطلاق وحقق ناجحا هائلا وبهذا كتب بدايته السينمائيه وفي عام 50 قدم فيلم اخر كدبه وألف بالاوبرت الخاص بالفيلم بساط الريح ليعرضه في كل البلاد العربيه وكانت تشاركه فيه ساميه جمال الي ان انتهت قصه حبهم  التي تركت في نفسه الم كبير .

ذروة نشاطه :

في عام55 قدم فيلم عهد الهوي  المقتبس عن قصه غاده الكاميليا لاسكندر طوماس ,وتبرع فريد بايرادات اول يوم لصالح مشوهي الحرب ....واحب بعدها شادية وقدم معاها فيلمين وهما (ودعت حبي ,وانت حبيبي )ولكن قصه قصه الحب سرعان مانتهت وغني عنها اغنيه حكايه غرامي التي بكي فيها بالدموع ثم قدم فيلم حكاية العمر كله، وهو من الأفلام المهمة لفريد، فيمثل ضياع العمر بالنسبة له، وعدم جدوى فائدة البحث عن الحبيب . وفيلم ودعت حبك والذي أثار ضجة كبيرة حين عرضه، بسبب وفاة البطل في النهاية، فلم يقنع المتفرجين سوى خروج فريد فاتحا الستار ليقول للمتفرجين ها أنا ذا لم أمت. لان الجمهور وقتها كان لم يتعود علي موت البطل في اي عمل وفي نفس العام  حصل علي وسام الخلود من فرنسا ووسام الاز اللبنانى وأفضل عازف عود سنة 1962.

رحيله :

في عام 65 طلبت منه امه الانتقال للبنان فوافق وفي عام 68 توفت فتأثر وعاد الحزن الي حياته فاستمر عامين بدون ان يقدم أي شء الي ان قدم القصه الرائعه الخروج من الجنه لتوفيق الحكيم ثم تلها بفيلمي الحب الكبير وزمان ياحب المقتبسه من الادب الغربي واخر ماقدمه هو نغم في حياتي الذي عرض بعد وفاته وتوفي في لبنان ولكنه اوصي ان يدفن في مصر بجاور تؤم روحه اخته اسمهان .

فعاش فريد لحنا حزينا في الحياة الموسيقيه لحنا ممزوجا بالحب والشوق واللهفة وفرحة الشباب ونضوج الكبر مزجها بحبه لمصر واصالته وعراقته السوريه .

واحلي ما احب ان اختم به عن فريد ماقاله في استقبال نسمات الربيع :

ادي الربيع عاد من تاني ...والبدر هلت انواره ...كان النسيم غنوة ...النيل يغنيها ...وميته الحلوة ..تفضل تعيد فيها 

صانع الضحكه المرة

اتكلموا.. اتكلموا.. اتكلموا... محلا الكلام، ماألزمه، ماأعظمه... فى البدء كانت كلمة الرب الاله
.. خلقت حياه والخلق منها اتعلموا... فإتكلموا
الكلمة ايد الكلمة رجل الكلمة باب... الكلمة لمبة كهربية فى الضباب.... الكلمة كوبرى صلب فوق بحر العباب

انه صانع السيمفونية الباهرة للثقافة والفنون والفكر التحررى المثير فى عصر مصر الذهبى فى الخمسينات والستينات. انه الصبي الذي منعه والده من الرسم ليرسم لنا في الكبر احلي كاريكاتير ويتوجه باجمل الاشعار التي خلدت وستخلد في ذكرة الشعب المصري والعربي اجمع . انه صلاح جاهين .

ولد محمد صلاح الدين بهاء احمد حلمي في 1930 في حي شبرا فهو ابن للأب كان مستشارا وعمل في سلك القضاء وحفيد للصحفي الكبير احمد حلمي الذي سمي علي اسمه الشارع الشهير وللأم كانت مدرسه وكانت تروى له القصص العالمية والأمثال الشعبية بأسلوب شيق ولذيذ لطالما عشقه،فعملت على غرس كل ما تعلمته من دراستها ، ثم عملها كمدرسة للغة الانجليزية فى طفلها النبيه الذى تعلم القراءة فى سن الثالثة .

وتعود علي  قراءة القصص وكان يعيد قصها علي اخواته فكان كل من يسمعها يدرك ان هذا الشخص غير عادي حتي اتم 16 عام فكتب يرثي  :صبرا ..فأنا أسود عند غضبتنا ..من ذا يطيق بقاء في فم الاسد 

وتلقي تعليمه في الابتدائيه في اسيوط واخذ التوجهية من طنطا وحين أتت مرحلة الجامعه وقع بين نارين فوالده ارده ان يدخل كليه الحقوق وارد هو ان يلتحق بكليه الفنون الجميله والتحق بالثنان وحاول ان يوفق بينهم ولكن والده علم فثار عليه مما ادي ان هجر صلاح جاهين البيت وذهب عند عمه في غزة ليعود لمصر باحثا عن وظيفه فوجد وظيفه راسم كاريكاتير في السعوديه فذهب الي ان عاد الي مصر مجد بناء علي خطابا من والده طلب منه العوده و عاد ثانيا لكليه الفنون ولكن ايضا لم يكمل دراسته  !

وبدأ شهرته حين التحق بمجله روز اليوسف كرسام كركتير ثم في مجله صباح الخير التي شارك في تأسيسها عام 57 واشتهر بتجسيديه لشخصيات كاريكاتيريه مثل قيس وليلي ...  . ثم انتقل الي جريده الاهرام ....كل هذا يدل علي موهبه صلاح جاهين الفنيه في رسم الكاريكاتير فاين هو من الشعر ؟؟...انه بدأ كتابه الشعر التقليدي بالفصحي في اوخر الاربعينات عندما يتعرف الانسان علي ما بدخله ولكن قرأ مرة قصيده بالعامية وكانت لرائد شعر العامية فؤاد حداد ومن هنا جاء اعجاب صلاح جاهين بالعاميه واصدر فؤاد حداد ديوان شعر بالعامية فكان محل اعجاب وانبهار صلاح جاهين ونشئت بينهم صداقه عميقه جدا منذ ذالك الحين . ...وكان صلاح جاهين يعتبره اب روحيا له وانه رائد هذا النوع الشعري .

ثم اتجه الي كتابه السيناريو فكتب سيناريو خالي بالك من زوزو الذي احدث ضجة في وقتها لكونه معاصر وفيلم غير تقليدي تماما في وقتها وشفيقه ومتولي والمتوحشه

وكان يمثل حلم الثورة فكتب اول قصيده ..الشوارع حواديت عبر فيها عن احلام الجماهير وتطلعاتهم وكانت ثورة يوليو مصدر الهام لجاهين فقام بتخليد جمالعبد الناصر في قصائده وجسدت المعارك التي خاضها المجتمع في خمسينات وستينات الي ان اتت هزيمه 67 فاصابه هذا بكتئاب حاد فكتب الرباعيات ليعبر عن ألمه وقدمت كاوبريتات سياسيه لتحاول الكشف عن الخلل الذي حدث وادي الي هذه النكسه وكانت الرباعيات  اقوي انتاج للفنان المصري المعاصر كانت الرباعيات يكتبها يشكل اسبوعي لتكشف مدي العمق الانساني الذهبي التي تحويه شخصيته وقام بعمل اول مسرح عرائس في اوبرايت الليله الكبيرة فكانت وصف للمولد الشعبي لن يتكرر ..
 وكانت وفاة عبد الناصر سبب رئيسي لحاله الحزن العميق والاكتئاب التي اصابته في اخر ايامه فلك انت تتخيل ان اكثرنا ضحكا هو اكثرنا عرضه لاكتئاب فهو يداري الحزن بالضحك فمن صنع بسمتنا لسنوات مات مكتئبا  !!
  
أن صلاح جاهين كان تجسيد للأحلام الطبقه الوسطي الطبقه التي تمتلك الوعي الثقافي والحضاري وهم بحق من قادرين علي التغير فحقا كان اسطورة مصرية فنية متكاملة في الشعر وفي فن الرباعيات وستظل رسومك الكاركتيرية محفورة في ذهن المجتمع المصري اجيال بعد اجيال    . سنتذكرك دائما كل ميقرب مننا الاكتئاب ونسمع  :

أيوب رماه البين بكل العلل ....سبع سنين مرضان وعنده شلل ...الصبر طيب ...صبر ايوب شفاه بس الاكاده مات بفعل الملل ...عجبي 

فنلاقيك بتقلنا في حاجة تانيه ان الربيع جاي فسنتذكر بسمتك التي رسمتها علي وجهونا فنبتسم   :

الدنيا من غير ربيع ميته ..ورقه شجر  ضعفانه ومفتهه ...لا ياجدع غلطان تأمل وشوف ...زهر الشتا طالع في عز الشتا ...عجبي 

سجن العمر

سجن العمر سيرة ذاتيه لتوفيق الحكيم حتي وصوله سن الثلاثين يحكي لنا بصورة مميزه للسيرة ذاتيه فيقص بدايه نشاءة والده وازاي اجوز والدته صالونات وهو مكنش يعرفها خالص وازاي حبها بعد كده او ع الاقل احترمها واستحملها وقت لما تعبت  واتعلم الطب عشان يعرف يساعدها وقد ايه حب زمان رغم ان كان من جواز صالونات بس كان اعمق واقوي
وازاي ابوه نحي مواهبه كلها في سبيل حلم وحاجة اسمي من وجهة نظره وهي مشروع الجواز وقد ايه الجواز اثر علي شكل حياه والده  وغيرها تماما وبيحكي ازاي اتولد واتربي وبيقلك ازاي الاهل كانوا بيربوا اولادهم في العصر ده وازاي كانت القرايه عندهم حاجة غلط جدا رغم ان ابوه كان بيؤمن بيها بس كان بيمنعه بيقرا وازاي تعليم كان زمان سهل لدرجة ان واحد يسقط ويعيد السنه اه كانت حاجة وحشه بس مش بالحجم اللي احنا بصوره دلوقتي وازاي طبيعه الحياه في الوقت ده وازاي ابوه شغل نفسه بفكره اغلب حياته بفكرة وهميه هو بناها وحب يشغل نفسه بيها وهو انه يبني بيت وفي الاخر البيت طلع مكانه مش كويس فقرر انه يبيعه وازاي كانت الارضي زمان كتير لدرجة ان واحد يبني كيان كبير كده وازاي ان الانسان بيكرث حياته عشان هدف حتي لو مهم بنسبه ليه هو بس وبيحكي توفيق اتحول لكاتب وكل التطورات اللي حصلته وسر انجذابه للمسرح بذات لانه فن مقتصد وبيقلك في النص ازاي المسرح المصري اتكون وكبر وهبط في فتره  ومرحل نضجه الفكري وازاي تحول من وكيل نيابه لكاتب

وبيقول في اخر فصل في القصه ايه الهدف من القصه كلها انه كل صفه اتكونت فيه ايه اصلها في من ابوه وامه وان كل صفه ليها مرجع وازاي عاش عمره كله سجين طبعه وازاي انه كان حاسس انه مش حقق المطلوب منه من الحياه وانه كان ممكن يعمل اكتر من كده لوله طبعه

فتشوف سلالسه الاسلوب وابداع الفكرة  فانه يوصل فكرة بسيطه زي ديه بقصه مثيره وجميله عن حياته اللي فيها تفاصيل ثريه جدا وتعرف من خلال حياته ازاي المجتمع ده كان قايم

اليك يا توفيق الحكيم  انا ابنه الجيل الحديث وعصر التكونولوجيا ..ارفع قبعتي انحناء لفنك الراقي وابداعك الذي يبهرني يوم بعد يوم فانت باقي معانا للابد ...وذالك لانك صنعت فنا خالدا وليس كما ذكرت في القصه انك لم تعطي مافي وسعك فهذا المجهود الذي كنت تعتبره قليل سيظل يبهر العالم مهما مر الزمن :)

بعض الجمل اللي ذكرت في القصه تنفع كل زمان ومكان

ان كل انسان يولد وهو محب للفن في صورة من صوره ..فالانسان انسان لانه يحي ان يتأمل  ذاته وبعجب بها او يضحك منها او يفكر فيها ..ان الفن اداه الانسانيه لتأمل ملامحها ومعرفه نفسها وهذا ما دفعها الي التفكير والتطور ...ولو ان الحيوان تأمل ذاته وعرفها وحللها لانقلب انسانا في التو

ان ايه الحياة منحة واثمن منحة تعطي لمخلوق هي الحياة

ان المسرح فن اقتصادي بخيل ..الكلمات فيه محسوبة بدقة ..والوقت مقيد والحيز فيها محدود ..لا محل لاسراف والانفلات

واجمل مقرأت في القصه كلها هي الجمله ديه ... الانسان حر في الفكر وسجين الطبع ...ان زهرة عمرنا الفكر وسجن عمرنا الطبع

هلوس الفراغ 

الحلقه الاولي :يناير 2010   

 اظهر بقا بقا

انا تعبت من غيرك اوي

عاوز احس بالامان عاوز احس بالراحة واني مطمئنه

عاوز احس انك انت لي وانا ليك واحنا الاتنين لبعض بس

بجد انت وحشني بعدد رمل الصحراء وعدد كتباتي لكل حرف ع جهاز طول اليوم

بجد انا كده هزهق اوي اظهر بقا

بجد احنا ازاي عايشن بعاد عن بعض كل ده

كل يوم بعيد عنك بحس اني حبتك اكتر هموتك كده من كتر الحب

الحلقه التانيه :مارس 2010

لحد امتي هشوف كل اتنين بيحبوا في بعض وانا اعد اتفرج

كل واحدة تقول لواحد بحبك وههو يقلها بموت فيكي

وانا ايه وضعي بالظبط هعد اتفرج كتير

بجد اما كلنا مش نحب اما كلنا نحب

هو كده بقا

بس هما حقهم فرحنين انهم بيحبوا وانا زعلانه اني لسه ملقتش الحب ده

طب وبعدين بقا بجد اف اف جت زاد عن الحد

يا نصي انت شكلك ولا هتظهر لا بعد سنه بالميت كده

وانا هموتك بشكل ده لاتني زهقت وزهقت من قصص الحب اللي بقرها

وزهقت من اعد اسمع قصص اللي بيحبو وزهقت من دور المشاهد عاوز اكون بطل

 الحلقه الثالثه : اكتوبر 2010

نفسي القيك 

نفسي احس بحبك

نفسي احس بيك في كل لحظه

حتي لو غمضت عيني يكون جفني بيحميك في ناني عيني

نفسي احس انك شايف كل نفس بتنفسه وبتقلي اتنفسي بامان انا جنبك

نفسي احس انك ساندي في الحياة واني لو وقعت في يوم هلقيك جنبي بتقلي قومي المهم اننا سوا

نفسي اريح ظهري من الهموم واحطها ع ظهرك عشان تشلها معاي فمحسش بثقلها

نفسي احس انك ماسك كاشاف بتنورلي طريقي

نفسي احس انك محافظ علي جوا قلبك قبل متعني في عينك

يا مستقبلي ويا ماضي ويا حاضري

يا شريكي يا قسيمي في الحياة منذ ولدت وحتي اموت

وحشتني جدا والحياه من غيرك وحشه اوي 

الحلقه الرابعة: هلوسه عيد الحب في 2010

رساله من ولد لبنت

كان حد طلب مني اكتبله جواب لبنت :D

لا انا كل ايامي معاكي اعياد وكل اوقاتي معاكي حب في حب

وهديه هديه ايه اللي اتساوي حب اغلي انسانه عندي في الدنيا

ولا كل هديا العالم تساوي نظرة حب منك وابتسامه رضي

لو اطول اجبلك العالم هديه واو اديكي عمري هديه

مش يكفوا عليكي انتي كنز ربنا بعته لي

لو كل لحظة من لحظات عمري تكفي عشان افديها فداكي

خدي عمري كله مني ليكي

يااااااااا نفسي حياتنا مع بعض تكون كلها عيد الحب

نحب بعض في الله ونحب بعض في الاسلام ونحب بعض في الوطن

ونحب بعض في اننا نكرث انفسنا لخدمة المجتمع الكبير اللي عيشين فيه والمجتمع اللصغير اللي هنبني سوا  بيتنا

ولادنا هما ثمرة حبنا هنخليهم احسن ولاد في العالم

هنربيهم احسن تربيه هنربيهم ازاي يحبوا بعض ويحبوا اخوتهم في الانسانيه

ده اقل كلام ممكن اقوله ليكي في عيد الحب

الحلقه الخامسة : امتي فبراير 2013

امتي هحس بالامان لانك جنبي

امتي هحس اني ع طول هلاقيك افضض ليك

امتي هحس اني كل مزهق هقولك

امتي هحس انك بتنقي معايا الهدوم

وتقلي هاتي ده ومش تجيبي ده

امتي هبص القيك عملي عيد ميلاد يجنن

امتي هلاقيك بعتلي رساله يوم عيد الحب

وبتقلي ان خلت لليوم ده معني وانا اقلك وانا كمان

امتي هحس اني لازم ابص لدنيا بحب لانك موجود فيها

امتي هنتفرج ع تليفزيون سوا ونخرج ايدينا في ايد بعض

امتي حاجات كتير اوي وكلهم ملهمش اجابه

حوار مع النفس في ابريل 2013

انا الشخص اللي مش فهمني ...انا اللي انا نفسي محتاره بكل الكم ده من التناقض في التفكير ازاي ازاي بجد ....الحاجات الوحيده اللي عندي مش ليها انتاقض اني بحب الخروج والفسح والسينما ......واني مش اكوله مش من الشخصيات اللي الاكل في حياتها مهم اي اكل يمشي ....واني حد نشيط بدرجة اوفر نشاط يتعب الشخص نفسه بحب اتحرك طول الوقت ولو متحركتش احس اني ميته ...واني بحب القرايه جدااا وصحابي كتاب زي الاغنيه بتاعه الاطفال زمان لاني بحس اني بقرا حاجات كتير ممكن مش اشفها وبقرا تفكير ناس ممكن متشابه مع فكري وممكن تفكير نفسي اعرفه لمجرد المعرفه وممكن اقرا قصه انا عمري معهشها فلما اقرها اعيش الجو واستفيد من المشاعر اللي مرت بيها الشخصيه .

واني لي مزاج في الموسيقي مش اي حاجة احبها بس بحب الموسيقي عامه بس لي مزاج خاص فيها ومقدرش اعيش من غير مسمع حاجة في ودني ع طول لاني بكره الصمت عموما بحب الدوشه وبذات لو دوشه انا بحبها .

واني بحب ماما حب ملوش مثيل وده من الحاجة الوحيده اللي حقيقه في حياتي لانها بختصار الشخص الوحيد اللي عاش معايا من الالف لاياء هي صحابتي وقريبي واخواتي بعد مكونها ماما طبعا بحبك يا ماما رغم اني دايما تقولي حبي مصلحة بس انا مش كده انا بحبك عشان لو مش حبتك مش هعرف احب نفسي .

واني بحب التجارب الجديده ومع ذالك بخاف منها بس بحبها بحب كل حاجة جديده بس مخفش غير من الناس لانهم غدرين وانا بكره الغدر او ان حد يضحك ع حد لمجرد انه يبقا خبيث او الادهي انه يكون من ورا خبثه غرض ولاني متعودتش علي معامله الناس الوحشه فبقت اخاف جداا من الناس لاني بخاف علي مشاعري وعلي نفسي لتعرض لحاجة هي مش قدها .

بحب اكون استيل بس استيلي انا مش مع الموضه والسلام احب اكون نفسي والبس حاجة تعبر عني باي شكل وانا لبسها اكون نفسي مش حد تاني

بحب الجنان بشتي انوعه لاني اصلا دماغي طقه بس لاسف المجتمع والبيئه محجماني نفسي اسافر كتير واعمل اي حاجة تجي علي بالي بس طبعا احترما للمجتمع والبيئه رغم انه جنان مش ضد الاخلاق اصلا بس المجتمع قيود لازم نحترمها .

ولما بحب بحب اوي ولما بكره بكره جدااا ومش بعرف ارجع احب تاني مهما حصل عشان كده علاقتي مش مستمره بالناس بتكون قويه لسنين وبتنهي زي شكه دبوس بلا رجعه .

اني بزعل بسرعة وعشان كده بضحك بسرعة عشان كده سهل اي حد مهما كنت زعلانه يطلعني من المود بس لو خد باله في ساعتها .

وده تناقض منين لو بزعل بسرعة لما بزعل مبعرفش اصالح ...بس احب افسر ان لما بيكون الزعل علي حاجة بسيطه وحد بيجي يصالحني بعدها بروق لكن لما الزعل بيتركم ومحدش بيحول يقول في ايه فانا بتعامل عادي ومرة واحده بحس اني كده كفاية .

قصه بقا التشدد والتحرر انا فكري متحرر جدا وبقبل اي حاجة بس علي ان محدش يفرض علي فكره انا هتقبل فكرك اي ان كان بس تفرض علي فكرك  وتحول تقنعني ان ده الصح فده مستحيل اقبله .

انا مزيج بين التحرر والتشدد في ناس تقول اني متحررة جدا من رايها وناس تشوفني مليش اي علاقه بالتحرر والاتنين ع حق بس من راي اني لا كده ولا كده انا بعيش حياتي زي مابشفها في ساعتها والتحرر بنسبالي مقيد بقيود كتير لاني في قيود اخلاق وتربية ومجتمع وناس وانا اول قيد علي لو محترميتش نفسي  يبقا مش هحترم حاجة ......واني في نفس الوقت مش متشدده لاتني بتعامل بصراحة مع نفسي مش بحب ازوق الواقع او اجمله فانا لا بكذب ولا بتجمل لان مفيش حد يستهل اكدب عشانه او اتجمل لسه حتي مظهرش اللي يخلني اتجمل عشانه !؟

الحب بنسبالي بتوقع انه احلي حاجة في الدنيا واني رومانسيه جدااا وحالمة اوي بس رغم كده محبتش ولا مرة يمكن ده تناقض كمان طيب ازاي ده فعلا لاني حبي خيالي ومحبتش أذي مشاعري او اهز الصورة اللي في خيالي عن الحب والارتباط لاي سبب ما.. لان ده حبي انا ومشاعري انا وانا اللي ملزمه احافظ عليهم من اي موجة تجي ضدهم حتي لو في يوم حست ان مشاعري كانت بتميل لحد وكان مش الشخص المناسب او حست انه مش بيدلني نفس بذرة الشعور كنت بوقفها وبنساها ولما بشوف البذرة ديه بضحك ......يمكن فاتني كتير لاني معشتش قصه حب يمكن.. يجوز ..بس الاكيد اني مش ندامنه اني معشتش واني كنت بوقف نفسي لو فكرت في اي حاجة ممكن تغير مسار اللي رسمته لحياتي واللي رسمته لتفكيري وكانت ممكن تبوظ اللوحه اللي نفسي اعشها .

شخص متطلع لايه معرفش بس دايما بحلم بمستقبل افضل وناس افضل وحياه افضل ودايما عندي امل انه هيكون في حاجات افضل مستنيني في المستقبل وان القدر لسه مورنيش كل اللي الحلو لي وان رغم ان حياتي الحمد لله حلوة بس لسه في احلي ..كنت زمان بحلم حتي بالمدينه الفاضله بتاعه افلطون اللي تكون فيها كل الناس تحب بعض ومش تعرف تكره ومش تأذي بعض ومش تكدب ولا تخون ولا تحقد ناس نفسها تحب نفسها عشان تحب غيرها .

نفسي في اللحظه ديه القي شغل اي شغل وخلاص اي شغل يجيب فلوس ويكون الصبح عشان اخد الكرس بعد الظهر وفي نفس الوقت يكون لي دخل ده كل تفكيري ...وطبعا اكيد نفسي احب واتحب بقاااا كفايه الحياه كده انا زهقت مني ....!!!!

ولاول مرة مش بقت بامل يكون عندي صحاب لاني الحمد لله بقا عندي نوعا ما صحاب عن السنين اللي فاتت وده كويس اني قدرت اغير حاجة .

والحمد لله حددت شخصي نوعا ما هو فين بس لسه مش لقت هدف معين في شغلي اللي هو مش موجود اصلا :D

وبكده ده اب ديت ل2013 :D 
كفايه كده اشك ان حد هيقرأها اصلا :D

محمد فوزي السيفونيه المصريه 

محمد فوزي مشوار نجاح وكفاح الي ان وصل لاول شركة انتاج اسطونات مصر فون الي ان اممت واصابه المرض اللعين وانتهت حياته بمأساه مرض مش معروف لدي كل اطباء العالم فهو حقا اسطورة كفاح وانتهي حياته كمأيه مفجعه لكل هذا النجاح والكفاح فانتهي اللحن المرح الذي ملئ الدنيا فرحة بسيفونيه حزينة

ولد في احدي قري الغربيه وهو الابن الواحد والعشرين من اصل 25 ابن وبنتا ورغم هذا شب علي حب الموسيقي والغناء منذ الصغر اثناء المرحله الابتدائيه وتعلم اصول الغناء علي ايد احد رجال المطافي من اصدقاء والده وبدأ يذهب الافراح ويتأثر بأغاني محمد عبد الوهاب وام كلثوم وانبهر بهم واصبح يغني اغانيهم في المنتزه وفي الموالد فبات حب الموسيقي في دمه وذهب القاهرة ليدخل معهد فؤاد للموسيقي  ثم انصرف لملاهي اللياليه ليغني بها واول مبدأ مشوراه بدؤه في كازينوا بديعه بيت كل الفاتنين في هذه الفتره واشترك مع كبار النجوم في تلحين الاستكشات والاستعرضات وغناها فساعدته فيما بعد في اعمله السينمائيه  وحين تقدم لاذاعة سقط كمطرب ونجح كملحن .

وظل حلم الغناء يروده حتي ترك فرقه بديعه وقرر احياء اعمل سيد درويش وتعاقد مع فرقه المصريه ولكنه لم ينجح النجاح المتوقع الي ان عرضت عليه فاطمه رشدي التمثيل والتلحين عرضها ثم لعب دور صغير في احد اعمل يوسف وهبي وغني اغنيتن واذا بالحظ يبتسم له وشاهده المخرج محمد كريم ومثل اول بطوله له فيلم اصحاب السعاده الذي نجح نجاح ساحق وتوالت النجاحات حتي اقدم ع انشاء شركه انتاج سينمائي عام 47 واصبح في هذه السنوات ملك السينما الاستعراضيه وغني لاذاعة المصريه الاغاني الوطنيه بعد الثورة واشترك مع هدي سلطان اخته في قطار الرحمه وفي عام 58 انشأ شركه مصر فون لانتاج الاسطونات وهذه كانت ضربه لكل شركات الاجنبيه وكانت اول شركه اسطونات في الشرق الاوسط

الي ان اممت الحكومه الشركه وصدم اكبر صدمه في حياته وعومل بمعامله سيئه في الشركه التي اسسها بمجهوده الي ان اصيب بالمرض الذي حير اطباء العالم كله وفنزل وزنه ليصبح 36 كيلو ولم يعرف احد سببه او علاجه فسمي المرض باسمه عليه مرض محمد فوزي وكان سرطان في العظام فالجسم يأكل نفسه فدخل في موجه مرض مرير ولهذا تعرف مامدي الاكتئاب ان يؤدي بالانسان ومدي اثر هزيمة النفس ومدي القهر النفسي واثره علي صحة الانسان فحين يبني انسان كيان ويأتي احد يأخذه منه ويحجر علي حلمه فكيف للانسان ان يهزم ظروفه الصعبه ويستطيع ان يهزم كل هذا ويبني كيان ولكن دائما في كل العصور يوجد كارهي النجاح

فكان صاحب بصمه عالم الموسيقي بالحانه تميزت بالسرعة والخفة التي سبق بها عصره وقام بعمل الاغنيه علي شكل الفيديو كليب وقدم الاستعرضات الرائعه التي كانت بمثابة فيديو كليب سابق لعصره بزمن . ومن اروع ما غني محمد فوزي حبيبي وعينيه , شحات الغرام ,وحشونا الحبايب ,واللي يهواك اهواه ,وغني لاطفال اروع ما غني لاطفال مثل ذهب الليل طلع الفجر وماما زمانها جايه

فعاش لحنا ملئ بالسخب والكفاح والاصرار ع النجاح والتشبث به فكان فريدا في عصره وانتهي نهايه مريرة ليكتب نهايه اعظم مأسويه من كل الافلام انهاها متفردا مثلما عاش حياته متفردا