عفوا ايها القانون

فيلم يعيدك الي زمن كان فيه الفيلم فعلا بيقدم رسالة.. رساله للمجتمع اقوي من اي حد شيخ يطلع يوعظ واقوي من حد يعد ينصج المجتمع.. فعلا الفن كان انعاكس للمجتمع كان المجتمع ايامها بيسعي للرقي باخلاقه بيسعي للنضج فكان فيه فن ناضج كان في افلام بتعبر عن المجتمع ومشاكله فبتلاقي الفيلم مشارك فيه كل الاجيال جيل الخماسينات وجيل السابعينات وجيل النشئ ايامها فتحس ان الفيلم مكتمل العناصر .. تلاقي الموسيقي تعمل فيلم لوحدها وتيعشك الفيلم من غير حاجة عشان كده لحد دلوقتي بنسمع موسيقي الافلام

عفوا ايها القانون ازاي القانون عندنا مش بيساوي بين الرجل الجاني والمرأه الجانيه ازاي يفرق بين لو رجل قتل دافعا عن شرفه وفي نفس الوقت ميديش الحق للست لو عملت كده ليه يحكم علي الست بالسجن لو شافت خيانتها بعينها والرجل يحكمله بالبرأة

عفوا ايها القانون بيوضح ازاي من الثمانينات عاوزين نغير القوانين ومش عارفين نغيرها ازاي من ايام متعملت االقوانين من وقت متعملت متغيرتش ..الفيلم وضح ده من 25 سنه ولسه برضه القوانين متغيرتش !!!

الفيلم وضح الزوجة اللي بتصبر مع جوزها  في كل الشديد لحد بيلاقوا حل لكل مشاكله  ووقت متشوف خينتها بعينها مش بتقدر تتحكم في اعصابها ومع ذالك بتزعل انها قتله غلط لانها بتحبه قد كده هو سامحها انها قتلته وهي سمحته انه خانها وقد ايه غفران البشر ممكن يكون واسع لكن رحمه القانون ملاهش قلب لانه قانون ابكم واصم ازاي القضاه ووكلاء النيابه بيستهلوا ومش بيدورا علي الحقيقه وزاي من ساعتها مش بندور علي ادله توضح اذا كان الجاني ده جاني ولا مجني عليه

عفوا ايها القانون قانواك مش عارف يحسبني صح قانونك مش عارف يحكم علي الجاني ويقله انت قاتل وكل الدنيا عارفه انه قاتل عفوا ايها القانون اللي حلل ضرب الستات في الشوراع عفوا انا مش هحل سرقه البيوت علنا ومش هسامسح حد بياخد روح ابن من ولادي عشان انت مش عارف تثبت انه اتقتل ..مع انه اتقتل قدام الناس

عفوا ايها القانون اعذراك خلصت مش هتقدر تقولي مفيش جاني ولا في ادله ولا القانون قديم ..كنت فين رجالتك مدورش ليه علي الادله لما كل يوم ناس تموت كان فين رجالتك مش عدلوا القانون ليه عشان يلائم العصر ويواكب كم الجريم اللي بتحصل وكم القتل وكم الاطفال كان في رجالتك  لما الستات بتنهك اعرضها علنا في الشوراع  عفوا انت لا قانون ولا هما دول رجاله