عيد ميلادي الخمسه وعشرين

انهارده احب قول لنفسي بدام منفيش حد هيقولي بقا ههههه

بعد 25 عشرين سنه حياه انا اللي بخالي حياتي مش حلوة بكتر القلق واالاحساس بالناس اكتر من لازم لناس هي بتكون هدفها انها تنكد حياتي وانا بحساسيتي بخليهم ينكدوها

بجد انا مبسوطه بكل سنه مرت في عمري من اول الطفوله البريئه اللي كانت اجمل ايام حياتي واني مخلتش اي حد يعكرها او يلوثها ويخلني افكر في اللي الكبار كانوا بيفكروا فيه عشت طفوله احلي بكتير من ماعشت في المراهقه عشت طفوله كلها شقاوة وجري ولعب وحب مكرهتش حد فيها ولا قرت فيها كتاب ولا جرنان كنت بعيش الطفوله لانها طفولتلي عشت 13 سنه طفوله وكانت احلي سنين عمري

بس لاسف معشتش المراهقه زي الطفولة مرحله الثانويه العامه كانت اكتر المراحل اللي مسحتها من ذكرتي مسح استكيه معملتش حاجة فيها غير اني بقت بعيش ع اعصابي ع طول وبقت اكتر عصبيه يمكن ده لاني اتفجئت اني كبرت مرة واحده ومحدش نبهني اني هكبر كده بس مرت بحلوها ومرها وانتهت المرحله بالبيطري مش عارفه هو كان صدفه حلوة ولا وحشه الحقيقه لحد دلوقتي ساعات بشوفه قدري وان القدر احلي حاجة لان ربنا هو اللي بيختاره لينا وساعات احس انه نتيجه اهمالي في ثانوي وانه كان سبب في حيرتي دلوقتي

بس عامه الجامعه كانت احلي من ثانوي بدات اتعرف علي نفسي اكتر واتعرف علي الحياه بروح الشابه اللي في مقتبل حاجة هي مش عارفه هي ايه بس مكنتش عايزه اعمل اي حاجة فيها نتيجه لاني لسه مش فاهمه اندم عليها بعد كده فقررت اكون اكثر سلبيه للحياه اعيش وفي نفس الوقت مشاركش اتفرج واسقف بس مش انزل الملعب اذكر بس مذاكرة من غير هدف اذاكر وانا مش فاهمه مش مهم ..المهم اني انجح واعدي ده كان الهدف

اتعرفت وانا في الجامعه يعني ايه تحب الناس وهما مش يحبوك وشفت قد ايه الحياه فيها حاجات وحشه مكنتش اعرفها وقد ايه انك ممكن تكون عايش مع ناس بجسمك وانت في وادي تاني عقلك طاير فوق

بس الحمد لله خلصت جامعه وانا حد غير اللي دخلها اتخرجت حد كله امل وحياه نفسه يعيش اوي ونفسه يثبت لمرة واحده نفسه ونفسه يقول لدنيا فوقي بقا انا موجود كفايه كده دور المتفرج بس لحد دلوقتي لسه بتفرج ههههههه

نرجع بقا للسنه الجديده هحاول اعيشك وانا مش مهتميه باي حد مهما حولوا يضقوني ومهما حولوا يفرضوا الحزن علي انا هقهر الحزن والخوف والقلق الشديد وهخليكي سنه احلي من كل السنين اللي فاتت كلها لاني كده فات علي ربع قرن كفايه بقا استسلام ..هبدئك وانا عندي احلي واغلي واعظم ام ربنا يخلهالي ويحمهالي يارب طول العمر وكوكو حبيتي اللي وعد هوضبك السنه ديه وهخليكي عروسه من جديد كفاني تشويه فيكي

وخرجت من السنه اللي فاتت بصحاب ومعارف اكتر.. ريم اللي فعلا يتقال عليها صاحبه بجد وصحبت كوكو اللي هي كلمه بقالها علي ناس كتير اسميهم مش مهمه وبكده دايره معرفي كبرت نوعا ما اه ابس بقت اقل ثقه في الناس بس الحمد لله

سنتي الجديده اوعدك هرسمك زي منا عايزه هرسم كل دقيقه فيكي وهطرد منك كل حد غشاش وخاين وحاقد ونفسيته وحشه ..هطرد كل واحد مشوك في ولائه ونفسي اعيشك في هدوء وامان وصحه  كفايه كده

مش هفقد الامل فيكي اني القي الناس اللي عايزهم ..الناس اللي قلوبهم نضيفه نقيه مفهاش نقط سوده هفضل عندي امل بناس تعرف تحب وهفضل احلم بفارس حياتي اللي هيجي علي جناح يمامه وهفضل احلم بالشغل اللي انا معرفوش بس اكيد غير شغلي ده  بس يكون شغل اكون فيه في المكان الصح ويخلني اطلع كل اللي جوايا فيه واحس بمتعه وانا بشتغله وهفضل متعتي في حياتي مش جمع مال او اي متعه ممكن تتطير.. هفضل متعتي في الدنيا اعيش لحظات كلها فرحه وسعاده وضحك وامل هتفضل متعتي اني القي ناس تحبني بجد عشان كده هو ده احسن حاجة في الحب انك تحس انك بتتحب

2013 انا بستقبلك بحب ومش عاوزكي تكون زي اختك السنه اللي فاتت بليز انا تعبت كفايه كده