رساله في اخر 2012 للمجهول

ملحوظه : كنت محتاره اسيب الشغل ولا افضل 
وانا مصلحجيه لما احتجته كتبتله :D 

حبيي

لقد طال بينا الفراق 

انت اتاخرت كتير اوي

انا هفضل مستنياك لحد امتي

انا محتاجك ومحتاج انك تشاركني حياتي

محتاجة اشوفك كل يوم لحد مزهق منك

وان كنت اكيد هزهق لاني بزهق حتي من نفسي

انت فين لازم كنت تشاركني قرار زي ده

انا معنتش عارفه انا ماشيه لفين ولا ماشيه ازاي

انت مفروض كنت تكون معايا عشان تمسك ايدي

وتقلي متخفيش كل حاجة هتعدي

طول محنا مع بعض

انا مشتته تفكير وكل حاجة بقت مشتته

انا عارفه انك اكيد محتاجلي زي منا محتاجك

واكيد مفتقدني زي منا مفتقدك

لان صعب ان جسد يعيش بنص روح

واحنا روحنا واحده لو واحد لوحده فهي ناقصه نصها

انا مشتقالك ووحشني وعايزة اشوفك

وعايزه نرسم حياتنا سوا

كفايه رسمي اللي لوحدي

بيطلع شخابيط

انا مش عارفه انت حياتك حلوة من غيري استحاله

لازم تكون وحشه من غيري فين اللمسه المجنونه اللي فيها

بجد انا تعبت من غيرك مش عارفه اوجه الحياه لوحدي

الحياه صعبه علي اوي 

بجد كفايه اني اشوفك جنبي ده لوحده هيطمني

ده هيفرق كتيرر