فضفضه 013 فبراير

 امتي هلقي اللي يحبني

امتي هلقي اللي يتعب نفسه عشان يسعدني

هو انا هيجي يوم القيه اصلا

هو انا ممكن القي حد يحبني عشان جوايا طيب

ولا هتفضل الطيبه محل عطف من الناس

وهيفضل الهبل محل استغلال من الناس

ليه محدش يشوف ده ع انه حاجة حلوة وتستحق تتحب

انا زهقت من جمله انا بحبك رغم لسه معرفتكش

ولا عارفه هشوفك ولا لا ..بس اكيد انت حاسس بي

ليه سايبني لوحدي ليه سايبني اتعذب من غيرك ليه سايبني اشكي همومي

لناس وانت في الدنيا ليه سايب الناس تحاول تكسرني

انت فين مش المفروض تكون جنبي تقويني عشان احس وانا معاك اني اقوي منهم كلهم

ليه مش بحس بيك حواليا ليه مش جت لحد دلوقتي بستناك بقالي كتير 

انت مفتقدني زي منا مفتقدك كده حاسس ان روحك ناقصه حاجة من غيري

حاسس ان الدنيا مش باينه لان نصك مش موجود حاسس ان الدنيا رخمه من غيري

ليه سايبني لناس تخبط في لي سايب الزمن يتعبني اكتر

انا هسامح كل الناس وكل حد اذني لو انت ظهرت مش بعيد احبهم لو قولتلي حبيهم

بس اظهر انا تعبت من غيرك روحي نفسها تعبت من التدوير عليك

انت مش حاسس بي ليه ...ليه مجتش لحد دلوقتي عشان تاخدني من نفسي

تعالييييييييي انا تعبت من غيرك ومش عارفه هستحمل ايه ولا ايه

تعالي خبيني من الدنيا في حضنك خبيني من الناس احميني منهم

انا عارفه ان حضنك هيسعني وهيحمني منهم طول مانت مقويني

مش هحتاج حاجة تعلي اديني الحنيه اللي مش حستها

عارف لو جت ومسكت ايدي جامد هحس ان ايدي مش هترتعش ابدا 
صباح الاحلام والهلوسه ديه مجرد هلوسه واحد مضايق صح ؟:D