هلوسه اخر حاجة في 9/2011

هو هيجي يوم واشوفك

هيجي يوم وابصلك احس اني ارتحت

هيجي يوم نعد مع بعض واعد اكلم معاك

هكون مبسوطة ولا هكون مسترخماك

ياتري هعد ارغي معاك في تليفون زي منا متعوده ارغي

ولا هكسف اكلم

هتضايق من رغي ومن صوتي اللي بسرعه

ولا هتعمل ايه

هتحبني زي ماهحبك

هتكون زي متصورتك ولا هتكون احلي هديه ربنا ادهالي

معرفش ليه عندي احساس انك هتكون احسن من اي تصور

معرفش ليه بحس انك احلي من كل ابطال السينما اللي شفتهم

واحلي من كل ابطال القصص اللي قرتها

ياتري هتحب تفسحني وتخرجني

ولا هتبقا كبه ورخم ومش بتحب الخروج

ياتري هتكون مجنون زي ودماغك طاقه

ولا هتكون عاقل بزياده وهتكره جنوني

ياتري هتحب البيسي والايس كريم ولا لا

ياتري هتجبلي عربيه ولا ايه      :D :D